sard na kar mazaq-e-ishq be-KHudi-e-namaz mein

sard na kar mazāq-e-ishq be-ḳhudī-e-namāz meñ

aañkh ko dūrbīñ banā jalva-gah-e-majāz meñ

rāz-e-nizām-e-kā.enāt un kī nigāh-e-nāz meñ

asliyyat-e-ḳhudā nihāñ merī ḳhudī kī raaz meñ

phir tujhe DhūñDh legī ḳhud zarf-shanās barq-e-tūr

shauq-e-kalīm shart hai ishq ke soz-o-sāz meñ

yā to ḳhudī ko bhuul jā yā phir usī ko bhuul jā

hiss-e-muġhā.irat na rakh bārgah-e-niyāz meñ

ḳhirman-e-kā.enāt ko phūñk na de yahī sharār

soz hī soz hī faqat merī ḳhudī kī saaz meñ

quvvat-e-zabt vassalām tāqat-e-sabr alvidā.a

phir vahī irti.āsh hai un kī nigāh-e-nāz meñ

mujh ko na āzmā.iye hashr bapā na kījiye

shor-e-nushūr hai nihāñ nāla-e-jāñ-gudāz meñ

tuur ko ḳhaak kar gayā shams kā ḳhūñ-bahā gayā

laakh chhupā na chhup sakā husn harīm-e-nāz meñ

tālib ġham-nasīb kā husn-e-talab to dekhiye

ārzū-e-firāq hai daur-e-vafā-e-nāz meñ

sard na kar mazaq-e-ishq be-KHudi-e-namaz mein

aankh ko durbin bana jalwa-gah-e-majaz mein

raaz-e-nizam-e-kaenat un ki nigah-e-naz mein

asliyyat-e-KHuda nihan meri KHudi ki raaz mein

phir tujhe DhunDh legi KHud zarf-shanas barq-e-tur

shauq-e-kalim shart hai ishq ke soz-o-saz mein

ya to KHudi ko bhul ja ya phir usi ko bhul ja

hiss-e-mughairat na rakh bargah-e-niyaz mein

KHirman-e-kaenat ko phunk na de yahi sharar

soz hi soz hi faqat meri KHudi ki saz mein

quwwat-e-zabt wassalam taqat-e-sabr alwidaa

phir wahi irtiash hai un ki nigah-e-naz mein

mujh ko na aazmaiye hashr bapa na kijiye

shor-e-nushur hai nihan nala-e-jaan-gudaz mein

tur ko KHak kar gaya shams ka KHun-baha gaya

lakh chhupa na chhup saka husn harim-e-naz mein

talib gham-nasib ka husn-e-talab to dekhiye

aarzu-e-firaq hai daur-e-wafa-e-naz mein