sarhad-e-gul se nikal kar hum juda ho jaenge
sarhad-e-gul se nikal kar ham judā ho jā.eñge
kal tumhārī qaid-e-ḳhushbū se rihā ho jā.eñge
zehn meñ ehsās-e-ruḳhsat hī na hogā shaam tak
baḌhte baḌhte din ke lamhe yuuñ havā ho jā.eñge
chhoḌ jaao dāman-e-imroz meñ bhī kuchh na kuchh
varna tum se tā.ir-e-fardā ḳhafā ho jā.eñge
jab na ho kār-e-nafas to phir hamāre saath saath
ye zamīn-o-āsmāñ donoñ fanā ho jā.eñge
sāmne hai sā.at-e-āḳhir kā an-dekhā azaab
umr-bhar kahte rahe ab be-navā ho jā.eñge
sarhad-e-gul se nikal kar hum juda ho jaenge
kal tumhaari qaid-e-KHushbu se riha ho jaenge
zehn mein ehsas-e-ruKHsat hi na hoga sham tak
baDhte baDhte din ke lamhe yun hawa ho jaenge
chhoD jao daman-e-imroz mein bhi kuchh na kuchh
warna tum se tair-e-farda KHafa ho jaenge
jab na ho kar-e-nafas to phir hamare sath sath
ye zamin-o-asman donon fana ho jaenge
samne hai saat-e-aKHir ka an-dekha azab
umr-bhar kahte rahe ab be-nawa ho jaenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
