sarhad-e-jism pe hairan khaDa tha main bhi
sarhad-e-jism pe hairān khaḌā thā maiñ bhī
apne hī saath sar-e-dār laḌā thā maiñ bhī
vāsta mujh ko samar se thā na tarġhīb se thā
nīm-vā hāthoñ meñ miTTī kā ghaḌā thā maiñ bhī
rauzan-e-vaqt meñ damdār sadā thī kis kī
saañp kī raah meñ gaThrī meñ paḌā thā maiñ bhī
us ke siine meñ jahannam thā lahū bhī lekin
ek suulī kī tarah saath gaḌā thā maiñ bhī
kurra-e-arz pe nuqte kā nishāñ thā varna
apne saa.e kī zaḳhāmat se baḌā thā maiñ bhī
log āvezish-e-taqrīb meñ kis ko rote
ziist kā kos to thā is se gaḌā thā maiñ bhī
kitnī tārīk shuāoñ se lahū bhī Tapkā
terī āñkhoñ meñ sar-e-shām jaḌā thā maiñ bhī
sarhad-e-jism pe hairan khaDa tha main bhi
apne hi sath sar-e-dar laDa tha main bhi
wasta mujh ko samar se tha na targhib se tha
nim-wa hathon mein miTTi ka ghaDa tha main bhi
rauzan-e-waqt mein damdar sada thi kis ki
sanp ki rah mein gaThri mein paDa tha main bhi
us ke sine mein jahannam tha lahu bhi lekin
ek suli ki tarah sath gaDa tha main bhi
kurra-e-arz pe nuqte ka nishan tha warna
apne sae ki zaKHamat se baDa tha main bhi
log aawezish-e-taqrib mein kis ko rote
zist ka kos to tha is se gaDa tha main bhi
kitni tarik shuaon se lahu bhi Tapka
teri aankhon mein sar-e-sham jaDa tha main bhi
- Book : Auraaq (Pg. 191)
- Author : Vazeer Agha
- Publication : Office auraq. chouck Urdu Bazar, Lahore (Nov. Dec. 1974)
- Edition : Nov. Dec. 1974
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
