sarhad-e-jism se bahar kahin ghar likkha tha

sarhad-e-jism se bāhar kahīñ ghar likkhā thā

ruuh par apnī ḳhalāoñ kā safar likkhā thā

ham bhaTakte rahe sadiyoñ jise paḌhne ke liye

apne andar vo kahīñ harf-e-hunar likkhā thā

aaj un āñkhoñ meñ dekhā to milā dasht-e-ḳhalā

ham ne jin āñkhoñ meñ ik ḳhvāb-nagar likkhā thā

apne ghar meñ isī ehsās ne jiine na diyā

apne hāthoñ pe kisī aur kā ghar likkhā thā

zindagī ek sulagtā huā sahrā thā jahāñ

sab kī āñkhoñ meñ sarāboñ kā bhañvar likkhā thā

kaun thā mujh meñ ki jis ne mujhe paḌhne na diyā

mere chehre pe mirā naam agar likkhā thā

apnī hī zaat ke haale meñ rahe ham 'āzād'

an-ginat dā.eroñ kā ya.anī safar likkhā thā

sarhad-e-jism se bahar kahin ghar likkha tha

ruh par apni KHalaon ka safar likkha tha

hum bhaTakte rahe sadiyon jise paDhne ke liye

apne andar wo kahin harf-e-hunar likkha tha

aaj un aankhon mein dekha to mila dasht-e-KHala

hum ne jin aankhon mein ek KHwab-nagar likkha tha

apne ghar mein isi ehsas ne jine na diya

apne hathon pe kisi aur ka ghar likkha tha

zindagi ek sulagta hua sahra tha jahan

sab ki aankhon mein sarabon ka bhanwar likkha tha

kaun tha mujh mein ki jis ne mujhe paDhne na diya

mere chehre pe mera nam agar likkha tha

apni hi zat ke haale mein rahe hum 'azad'

an-ginat daeron ka yani safar likkha tha