sarkar-e-do-jahan hain sardar ambiya ke

sarkār-e-do-jahāñ haiñ sardār ambiyā ke

taḳhlīq kā haiñ baa.is mahbūb haiñ ḳhudā ke

me.arāj kī thī jo shab parde meñ us ne dekhe

rāz-o-niyāz jaise bande ke aur ḳhudā ke

mid.hat unhīñ kī lab pe jaarī rahe hamesha

hoñToñ tak aa ga.e haiñ kuchh lafz ye duā ke

vo amn-o-āshatī kā paiġhām le ke aa.e

sar-basta raaz khole allāh kī razā ke

insāniyat ko jiinā sikhlā diyā unhīñ ne

batlā diye qarīne insān ko baqā ke

maut aur zindagī ke matlab badal diye haiñ

āl-e-nabī ne jaise karb-o-balā meñ aa ke

sarkar-e-do-jahan hain sardar ambiya ke

taKHliq ka hain bais mahbub hain KHuda ke

mearaj ki thi jo shab parde mein us ne dekhe

raaz-o-niyaz jaise bande ke aur KHuda ke

midhat unhin ki lab pe jari rahe hamesha

honTon tak aa gae hain kuchh lafz ye dua ke

wo amn-o-ashati ka paigham le ke aae

sar-basta raaz khole allah ki raza ke

insaniyat ko jina sikhla diya unhin ne

batla diye qarine insan ko baqa ke

maut aur zindagi ke matlab badal diye hain

aal-e-nabi ne jaise karb-o-bala mein aa ke