sarKHushi mere liye asbab-e-gham mere liye

sarḳhushī mere liye asbāb-e-ġham mere liye

maujzan hai jaise dariyā-e-karam mere liye

har sitam mere liye hai har karam mere liye

husn ke jalve haiñ saare besh-o-kam mere liye

kyā haqīqat hai ġham-e-hastī kī mere sāmne

aa.e din hī gardan-e-mīnā hai ḳham mere liye

ishq kī be-tābiyāñ haiñ husn kī ra.anā.iyāñ

ho ga.e haiñ ziist ke sāmāñ baham mere liye

ḳhud pashemāñ huuñ maiñ apne nāla-e-shab-gīr par

uf vo chashm-e-kaif-āgīñ aur nam mere liye

dil kī azmat kyā kahūñ dil kī haqīqat kyā kahūñ

jaise ham-āġhosh hoñ dair-o-haram mere liye

ishq kī mojiz-numā.ī 'kaif' ab kyā pūchhiye

bār-e-hastī ho gayā hai ḳhud hī kam mere liye

sarKHushi mere liye asbab-e-gham mere liye

maujzan hai jaise dariya-e-karam mere liye

har sitam mere liye hai har karam mere liye

husn ke jalwe hain sare besh-o-kam mere liye

kya haqiqat hai gham-e-hasti ki mere samne

aae din hi gardan-e-mina hai KHam mere liye

ishq ki be-tabiyan hain husn ki ranaiyan

ho gae hain zist ke saman baham mere liye

KHud pasheman hun main apne nala-e-shab-gir par

uf wo chashm-e-kaif-agin aur nam mere liye

dil ki azmat kya kahun dil ki haqiqat kya kahun

jaise ham-aghosh hon dair-o-haram mere liye

ishq ki mojiz-numai 'kaif' ab kya puchhiye

bar-e-hasti ho gaya hai KHud hi kam mere liye