sarmaya-e-jaan hain shah-e-abrar ki baaten

sarmāya-e-jāñ haiñ shah-e-abrār kī bāteñ

kis darja sukūñ detī haiñ sarkār kī bāteñ

karte haiñ karam sab pe ki aadat hai ye un kī

sunte haiñ vafādār-o-ḳhatā-kār kī bāteñ

haañ kaise haiñ vo kūcha-o-bāzār vo galiyāñ

kuchh aur karo shahr-e-pur-anvār kī bāteñ

haañ kaise barastā hai vahāñ nuur kā bādal

kuchh aur karo gumbad-e-zau-bār kī bāteñ

haañ kaise ġhubār-e-dil-o-jāñ dhultā hai zaa.er

kuchh aur karo abr-e-guhar-bār kī bāteñ

haañ kaise vahāñ chaltī haiñ tham tham ke havā.eñ

kuchh aur machaltī huī mahkār kī bāteñ

jī chāhe ki har aan sunūñ zikr-e-payambar

hotī raheñ kaunain ke sardār kī bāteñ

sarmaya-e-jaan hain shah-e-abrar ki baaten

kis darja sukun deti hain sarkar ki baaten

karte hain karam sab pe ki aadat hai ye un ki

sunte hain wafadar-o-KHata-kar ki baaten

han kaise hain wo kucha-o-bazar wo galiyan

kuchh aur karo shahr-e-pur-anwar ki baaten

han kaise barasta hai wahan nur ka baadal

kuchh aur karo gumbad-e-zau-bar ki baaten

han kaise ghubar-e-dil-o-jaan dhulta hai zaer

kuchh aur karo abr-e-guhar-bar ki baaten

han kaise wahan chalti hain tham tham ke hawaen

kuchh aur machalti hui mahkar ki baaten

ji chahe ki har aan sunun zikr-e-payambar

hoti rahen kaunain ke sardar ki baaten