sarsar chali wo garm ki sae bhi jal gae

sarsar chalī vo garm ki saa.e bhī jal ga.e

sahrā meñ aa ke yāroñ ke huliye badal ga.e

jab raakh ho ke rah gayā vo shahr-e-gul-ruḳhāñ

phir us taraf ko bādaloñ ke dil ke dil ga.e

tan kar khaḌā rahā to koī sāmne na thā

jab jhuk gayā to har kisī ke vaar chal ga.e

kuchh dukh kī raushnī thī baḌī tez aur kuchh

ashkoñ kī bārishoñ se bhī chehre ajal ga.e

ik rang thā lahū kā jo ashkoñ meñ aa gayā

kuchh dil ke dard the so vo she'roñ meñ Dhal ga.e

'iqbāl' misl-e-mauj-e-havā kab talak safar

kyā jaane kis taraf ko vo chāhat ke yal ga.e

sarsar chali wo garm ki sae bhi jal gae

sahra mein aa ke yaron ke huliye badal gae

jab rakh ho ke rah gaya wo shahr-e-gul-ruKHan

phir us taraf ko baadalon ke dil ke dil gae

tan kar khaDa raha to koi samne na tha

jab jhuk gaya to har kisi ke war chal gae

kuchh dukh ki raushni thi baDi tez aur kuchh

ashkon ki barishon se bhi chehre ajal gae

ek rang tha lahu ka jo ashkon mein aa gaya

kuchh dil ke dard the so wo she'ron mein Dhal gae

'iqbaal' misl-e-mauj-e-hawa kab talak safar

kya jaane kis taraf ko wo chahat ke yal gae