sat-guru likh ya rahim-o-ram likh
![Sayyad Safdar Raza Khandvi Sayyad Safdar Raza Khandvi](https://rekhta.pc.cdn.bitgravity.com/Images/Shayar/round/sayyad-safdar-raza-khandvi.png)
sat-guru likh ya rahim-o-ram likh
Sayyad Safdar Raza Khandvi
MORE BYSayyad Safdar Raza Khandvi
sat-gurū likh yā rahīm-o-rām likh
ek hai us ke hazāroñ naam likh
āñsuoñ se hasrat-e-nākām likh
koī ḳhat aisā bhī us ke naam likh
pī gayā jo zulmatoñ ko ghol kar
ek dariyā hai use gumnām likh
chīḳhte lamhe sulagte roz-o-shab
is sadī ko fitna-e-kohrām likh
jab nazar aa.eñ tujhe jangal kaTe
un kī barbādī ko qatl-e-ām likh
uTh shahīdān-e-vatan kī ḳhaak se
apnī peshānī pe un ke naam likh
chhat uḌā kar le ga.iiñ jo āñdhiyāñ
muflisoñ kī ġham-zada vo shaam likh
tū diyā hai piir kī dargāh kā
de bashārat nuur kī ilhām likh
aa chilam bhar ham faqīroñ kī 'razā'
phir faroġh-e-but-kada asnām likh
sat-guru likh ya rahim-o-ram likh
ek hai us ke hazaron nam likh
aansuon se hasrat-e-nakaam likh
koi KHat aisa bhi us ke nam likh
pi gaya jo zulmaton ko ghol kar
ek dariya hai use gumnam likh
chiKHte lamhe sulagte roz-o-shab
is sadi ko fitna-e-kohram likh
jab nazar aaen tujhe jangal kaTe
un ki barbaadi ko qatl-e-am likh
uTh shahidan-e-watan ki KHak se
apni peshani pe un ke nam likh
chhat uDa kar le gain jo aandhiyan
muflison ki gham-zada wo sham likh
tu diya hai pir ki dargah ka
de bashaarat nur ki ilham likh
aa chilam bhar hum faqiron ki 'raza'
phir farogh-e-but-kada asnam likh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.