sath-e-pas-e-darun nae naqsh laiye

sat.h-e-pas-e-darūn na.e naqsh lā.iye

mujh ko mire mizāj se behtar banā.iye

hukm-e-ġhanī se aa.e to ham aa chuke bahut

lafzoñ pe iltimās kī ḳhushbū lagā.iye

apnī anā pe zulm na kiije musāfirīn

kah kyoñ rahe haiñ aap ki jaate haiñ jā.iye

ġham panchhiyo maiñ aap kī umda ḳhurāk huuñ

ai dushmano please mujhe noch khā.iye

bahr-e-umīd-e-qurb maiñ ḳhud vasl ho chukā

kitne hī ab firāq ke qisse sunā.iye

pathrā chukā hai aap ke aane kā rāsta

palkeñ bichhā.iye ki ab āñkheñ bichhā.iye

sath-e-pas-e-darun nae naqsh laiye

mujh ko mere mizaj se behtar banaiye

hukm-e-ghani se aae to hum aa chuke bahut

lafzon pe iltimas ki KHushbu lagaiye

apni ana pe zulm na kije musafirin

kah kyon rahe hain aap ki jate hain jaiye

gham panchhiyo main aap ki umda KHurak hun

ai dushmano please mujhe noch khaiye

bahr-e-umid-e-qurb main KHud wasl ho chuka

kitne hi ab firaq ke qisse sunaiye

pathra chuka hai aap ke aane ka rasta

palken bichhaiye ki ab aankhen bichhaiye