sauda-e-naqd-e-jaan ko sangin kah raha hai
saudā-e-naqd-e-jāñ ko sangīn kah rahā hai
ye kaun ahl-e-dil ko miskīn kah rahā hai
ham maslak-e-junūñ meñ dīvāne ho rahe haiñ
sunte haiñ dasht-e-vahshat be-dīn kah rahā hai
kis fasl-e-ārzū ne dast-e-du'ā uThā.e
har barg naḳhl-e-dil kā āmīn kah rahā hai
kyā nukta-ras huā hai shāh-e-suḳhan hamārā
fariyād ko navā-e-rangīn kah rahā hai
āshob-e-āgahī par qurbān daulat-e-ġham
āñkhoñ ko yaar jū-e-namkīn kah rahā hai
sauda-e-naqd-e-jaan ko sangin kah raha hai
ye kaun ahl-e-dil ko miskin kah raha hai
hum maslak-e-junun mein diwane ho rahe hain
sunte hain dasht-e-wahshat be-din kah raha hai
kis fasl-e-arzu ne dast-e-du'a uThae
har barg naKHl-e-dil ka aamin kah raha hai
kya nukta-ras hua hai shah-e-suKHan hamara
fariyaad ko nawa-e-rangin kah raha hai
aashob-e-agahi par qurban daulat-e-gham
aankhon ko yar ju-e-namkin kah raha hai
- Book : Jism Ka Bartan Sard Pada Hai (Pg. 99)
- Author : Ameer Hamza Saqib
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.