sawad-e-sham pe suraj utarne wala hai
savād-e-shām pe sūraj utarne vaalā hai
Thahar bhī jā ki ye manzar ubharne vaalā hai
mileñge daaġh sitāre charāġh-e-shabam bhī
ġhamoñ kī raat kā chehra nikharne vaalā hai
chalo julūs kī sūrat meñ zindagī vaalo
zarā sī der meñ lamha guzarne vaalā hai
koī to dahr meñ zinda rahe ḳhudāvandā
tire jahān meñ insān marne vaalā hai
vo apnī zaat ke manshūr ke tanāzur meñ
ik ehtimām se elaan karne vaalā hai
'nisār' ziist ke dozaḳh meñ jī rahā hai magar
vo apnī aag ke sho.aloñ se Darne vaalā hai
sawad-e-sham pe suraj utarne wala hai
Thahar bhi ja ki ye manzar ubharne wala hai
milenge dagh sitare charagh-e-shabam bhi
ghamon ki raat ka chehra nikharne wala hai
chalo julus ki surat mein zindagi walo
zara si der mein lamha guzarne wala hai
koi to dahr mein zinda rahe KHudawanda
tere jahan mein insan marne wala hai
wo apni zat ke manshur ke tanazur mein
ek ehtimam se elan karne wala hai
'nisar' zist ke dozaKH mein ji raha hai magar
wo apni aag ke shoalon se Darne wala hai
- Book : Dariche (Pg. 24)
- Author : Bashir Saifi
- Publication : Shakhsar Publishers (1975)
- Edition : 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
