sawal chhoD ki haalat ye kyun banai hai

savāl chhoḌ ki hālat ye kyuuñ banā.ī hai

use na sun jo kahānī sunī-sunā.ī hai

patañgā sham.a pe martā hai kyā burā.ī hai

use kisī ne bhī rokā hai jis kī aa.ī hai

hañse haiñ gul na kalī koī muskurā.ī hai

huzūr kaise ye kah duuñ bahār aa.ī hai

zarūr koī alāmat qazā kī paa.ī hai

mujhe azīzoñ ne sūrat tirī dikhā.ī hai

na jaane hijr kī raat aur mirī siyah-baḳhtī

kahāñ kahāñ ke añdhere sameT laa.ī hai

lahad se kab uTheñ dekho musāfirān-e-adam

safar hai duur kā raste meñ niiñd aa.ī hai

asiir kyā kaheñ sayyād ye to samjhā de

qafas meñ bū-e-chaman pūchhne ko aa.ī hai

mujhe na chheḌ qayāmat hai merī aahoñ meñ

ḳhudā rakhe tirī mahfil sajī-sajā.ī hai

sawal chhoD ki haalat ye kyun banai hai

use na sun jo kahani suni-sunai hai

patanga shama pe marta hai kya burai hai

use kisi ne bhi roka hai jis ki aai hai

hanse hain gul na kali koi muskurai hai

huzur kaise ye kah dun bahaar aai hai

zarur koi alamat qaza ki pai hai

mujhe azizon ne surat teri dikhai hai

na jaane hijr ki raat aur meri siyah-baKHti

kahan kahan ke andhere sameT lai hai

lahad se kab uThen dekho musafiran-e-adam

safar hai dur ka raste mein nind aai hai

asir kya kahen sayyaad ye to samjha de

qafas mein bu-e-chaman puchhne ko aai hai

mujhe na chheD qayamat hai meri aahon mein

KHuda rakhe teri mahfil saji-sajai hai