sawal kis qadar bura hai kaun hun

savāl kis qadar burā hai kaun huuñ

javāb mil nahīñ sakā hai kaun huuñ

mire nuqūsh miT ga.e haiñ ġhāliban

jo aa.ina ulajh paḌā hai kaun huuñ

kisī ko yaad hai agar batā.iye

mujhe to bhūlne lagā hai kaun huuñ

vo thā jo merā mubtalā kahāñ gayā

faqat vahī ye jāntā hai kaun huuñ

ye log mujh pe hañs rahe haiñ kis liye

batā.iye nā iltijā hai kaun huuñ

svāñg kyā rachā hai ye kahāñ huuñ maiñ

mujhe ye ramz jānñā hai kaun huuñ

use mirā batā ki apne saath lā

jo kū-ba-kū pukārtā hai kaun huuñ

sawal kis qadar bura hai kaun hun

jawab mil nahin saka hai kaun hun

mere nuqush miT gae hain ghaaliban

jo aaina ulajh paDa hai kaun hun

kisi ko yaad hai agar bataiye

mujhe to bhulne laga hai kaun hun

wo tha jo mera mubtala kahan gaya

faqat wahi ye jaanta hai kaun hun

ye log mujh pe hans rahe hain kis liye

bataiye na iltija hai kaun hun

swang kya racha hai ye kahan hun main

mujhe ye ramz jaanna hai kaun hun

use mera bata ki apne sath la

jo ku-ba-ku pukarta hai kaun hun