sayyargan ki shab mein zamin sa diya to hai

sayyārgāñ kī shab meñ zamīñ sā diyā to hai

ye ḳhaak ajnabī sahī rahne kī jā to hai

āvārgī kā bojh thā is ḳhaak par bahut

lekin hazār shukr ki ham se uThā to hai

ye arsa-e-hayāt agarche hai kam magar

paañv kisī maqām par aa kar rukā to hai

ma.alūm hai mujhe ki tamāshā to kuchh nahīñ

lekin hujūm meñ kahīñ tū bhī khaḌā to hai

galiyoñ kā shor-o-ġhul hai mire saath aaj bhī

vo din guzar ga.e magar āvāz-e-pā to hai

vo rahguzar mahaktī hai ḳhush huuñ ye jaan kar

gar maiñ nahīñ to kyā hai koī dūsrā to hai

ye bhī ma.āl-e-ḳhvāhish-e-dil hai ki aaj vo

bādal ko dekh kar sahī chhat par chaḌhā to hai

aa jā.egā 'naved' vo ik roz raah par

achchhā hai apnī raah se bhaTkā huā to hai

sayyargan ki shab mein zamin sa diya to hai

ye KHak ajnabi sahi rahne ki ja to hai

aawargi ka bojh tha is KHak par bahut

lekin hazar shukr ki hum se uTha to hai

ye arsa-e-hayat agarche hai kam magar

panw kisi maqam par aa kar ruka to hai

malum hai mujhe ki tamasha to kuchh nahin

lekin hujum mein kahin tu bhi khaDa to hai

galiyon ka shor-o-ghul hai mere sath aaj bhi

wo din guzar gae magar aawaz-e-pa to hai

wo rahguzar mahakti hai KHush hun ye jaan kar

gar main nahin to kya hai koi dusra to hai

ye bhi maal-e-KHwahish-e-dil hai ki aaj wo

baadal ko dekh kar sahi chhat par chaDha to hai

aa jaega 'nawed' wo ek roz rah par

achchha hai apni rah se bhaTka hua to hai