saza baghair adalat se main nahin aaya
sazā baġhair adālat se maiñ nahīñ aayā
ki baaz jurm-e-sadāqat se maiñ nahīñ aayā
fasīl-e-shahr meñ paidā kiyā hai dar maiñ ne
kisī bhī bāb-e-ri.āyat se maiñ nahīñ aayā
uḌā ke laa.ī hai shāyad ḳhayāl kī ḳhushbū
tumhārī samt zarūrat se maiñ nahīñ aayā
tire qarīb bhī yaad aa rahe haiñ kār-e-jahāñ
bahut qalaq hai ki fursat se maiñ nahīñ aayā
guzar ga.e yuuñ hī do chaar din aur is ke ba.ad
yahī huā ki nadāmat se maiñ nahīñ aayā
hamesha saath rahā hai 'sahar' merā sūraj
guzar ke vādī-e-zulmat se maiñ nahīñ aayā
saza baghair adalat se main nahin aaya
ki baz jurm-e-sadaqat se main nahin aaya
fasil-e-shahr mein paida kiya hai dar main ne
kisi bhi bab-e-riayat se main nahin aaya
uDa ke lai hai shayad KHayal ki KHushbu
tumhaari samt zarurat se main nahin aaya
tere qarib bhi yaad aa rahe hain kar-e-jahan
bahut qalaq hai ki fursat se main nahin aaya
guzar gae yun hi do chaar din aur is ke baad
yahi hua ki nadamat se main nahin aaya
hamesha sath raha hai 'sahar' mera suraj
guzar ke wadi-e-zulmat se main nahin aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
