sehn-e-chaman se hum na bayaban se aae hain

sehn-e-chaman se ham na bayābāñ se aa.e haiñ

barbād ho ke kūcha-e-jānāñ se aa.e haiñ

nākām-e-shauq kūcha-e-jānāñ se aa.e haiñ

kyā shādmāñ ga.e the pashemāñ se aa.e haiñ

ho yā mizāj ahl-e-qafas par girāñ na ho

ham ik payām le ke gulistāñ se aa.e haiñ

kyūñkar ye raaz dasht-nashīnoñ pe faash ho

kuchh bad-nasīb sehn-e-gulistāñ se aa.e haiñ

ahl-e-ḳhirad pe karte haiñ ahl-e-junūñ ye tanz

gulshan ke mudda.ī haiñ bayābāñ se aa.e haiñ

duniyā charāġh-e-lāla-e-sahrā kahe jise

dil meñ vo daaġh le ke gulistāñ se aa.e haiñ

sehn-e-chaman se hum na bayaban se aae hain

barbaad ho ke kucha-e-jaanan se aae hain

nakaam-e-shauq kucha-e-jaanan se aae hain

kya shadman gae the pasheman se aae hain

ho ya mizaj ahl-e-qafas par giran na ho

hum ek payam le ke gulistan se aae hain

kyunkar ye raaz dasht-nashinon pe fash ho

kuchh bad-nasib sehn-e-gulistan se aae hain

ahl-e-KHirad pe karte hain ahl-e-junun ye tanz

gulshan ke muddai hain bayaban se aae hain

duniya charagh-e-lala-e-sahra kahe jise

dil mein wo dagh le ke gulistan se aae hain