ser-shikami ka bhuk se hai milap

ser-shikamī kā bhuuk se hai milāp

ruuh kī tishnagī sañbhāliye aap

raqs-farmā huī vo sīm-tanī

be-zarī kī bahār ne dī thaap

shahr vaale haiñ khaultā laavā

galī-kūchoñ se uTh rahī hai bhaap

nā-murādī ke baḌhte silsile ko

na.e paimāna-e-sitam se naap

is ko namrūd kā taqāzā jaan

ātish-e-husn ko na baiTh ke taap

ḳhāmushī to ilāj-e-dard nahīñ

baat bantī nahīñ hai aap se aap

tū bhī kah de jo tere jī meñ hai

sun rahā huuñ maiñ har anāp-shanāp

koī aayā na gosha-e-dil tak

shāh-rah par sunī thī paañv kī chaap

yuuñ hī shāyad mizāj badle tirā

mere ash'ār apne naam se chhāp

vaqt, mausam 'nazar' nigāh meñ rakh

kis ne tujh se kahā ye raag alaap

ser-shikami ka bhuk se hai milap

ruh ki tishnagi sanbhaaliye aap

raqs-farma hui wo sim-tani

be-zari ki bahaar ne di thap

shahr wale hain khaulta lawa

gali-kuchon se uTh rahi hai bhap

na-muradi ke baDhte silsile ko

nae paimana-e-sitam se nap

is ko namrud ka taqaza jaan

aatish-e-husn ko na baiTh ke tap

KHamushi to ilaj-e-dard nahin

baat banti nahin hai aap se aap

tu bhi kah de jo tere ji mein hai

sun raha hun main har anap-shanap

koi aaya na gosha-e-dil tak

shah-rah par suni thi panw ki chap

yun hi shayad mizaj badle tera

mere ash'ar apne nam se chhap

waqt, mausam 'nazar' nigah mein rakh

kis ne tujh se kaha ye rag alap