shairi ke siwa bacha kya hai

shā'irī ke sivā bachā kyā hai

sochtī huuñ ye silsila kyā hai

zindagī to hai vāpsī kā safar

aur is haath pe likhā kyā hai

ham to sab kuchh gañvā ke baiThe haiñ

sab jo hāsil ho phir maza kyā hai

āzmātī hai baar baar mujhe

zindagī mujh se ab gilā kyā hai

dard meñ mere vo sisaktā hai

aise hamdard kī davā kyā hai

kuchh dalīleñ yahāñ nahīñ chaltīñ

'ishq kā aur dā.era kyā hai

mujh ko ujḌā huā hī rahne do

kaash pūchhe koī huā kyā hai

us bhale aadmī kā kyā kiije

jo nahīñ jāntā burā kyā hai

mai-kadoñ meñ bhī zikr ho jis kā

us kā phir aur martaba kyā hai

chaal sayyād terī jaan chuke

jaal meñ tere ab bachā kyā hai

bebasī bevafā.ī tanhā.ī

'ishq kī shab meñ aur likhā kyā hai

sha'iri ke siwa bacha kya hai

sochti hun ye silsila kya hai

zindagi to hai wapsi ka safar

aur is hath pe likha kya hai

hum to sab kuchh ganwa ke baiThe hain

sab jo hasil ho phir maza kya hai

aazmati hai bar bar mujhe

zindagi mujh se ab gila kya hai

dard mein mere wo sisakta hai

aise hamdard ki dawa kya hai

kuchh dalilen yahan nahin chaltin

'ishq ka aur daera kya hai

mujh ko ujDa hua hi rahne do

kash puchhe koi hua kya hai

us bhale aadmi ka kya kije

jo nahin jaanta bura kya hai

mai-kadon mein bhi zikr ho jis ka

us ka phir aur martaba kya hai

chaal sayyaad teri jaan chuke

jal mein tere ab bacha kya hai

bebasi bewafai tanhai

'ishq ki shab mein aur likha kya hai