shairi meri tapasya lafz hai bargad mera
shā.irī merī tapasyā lafz hai bargad mirā
ye zamīñ saarī zamīñ mushfiq zamīñ ma.abad mirā
maiñ gayā kī raushnī huuñ maiñ hirā kā nuur huuñ
tū fanā ke haath se kyuuñ nāptā hai qad mirā
dhyān ke gūñge safar se bhī nikal jā.ūñ magar
rāsta roke khaḌī hai saañs kī sarhad mirā
umr-bhar sūraj thā sar par dhuup thī merā libās
ab ye ḳhvāhish hai ghanī chhāñv meñ ho marqad mirā
kah diyā thā maiñ purānī soch kā shajara nahīñ
aaj tak muñh dekhte haiñ mere ḳhāl-o-ḳhad mirā
mujh se aage bhī haiñ kuchh taaza sadāoñ ke alam
maiñ 'zafar' kā lāDlā huuñ pesh-rau 'amjad' mirā
shairi meri tapasya lafz hai bargad mera
ye zamin sari zamin mushfiq zamin mabad mera
main gaya ki raushni hun main hira ka nur hun
tu fana ke hath se kyun napta hai qad mera
dhyan ke gunge safar se bhi nikal jaun magar
rasta roke khaDi hai sans ki sarhad mera
umr-bhar suraj tha sar par dhup thi mera libas
ab ye KHwahish hai ghani chhanw mein ho marqad mera
kah diya tha main purani soch ka shajara nahin
aaj tak munh dekhte hain mere KHal-o-KHad mera
mujh se aage bhi hain kuchh taza sadaon ke alam
main 'zafar' ka laDla hun pesh-rau 'amjad' mera
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
