shaKH se patte gire aur peD nanga ho gaya
shāḳh se patte gire aur peḌ nangā ho gayā
dekhte hī dekhte logo maiñ būḌhā ho gayā
Dūbtī nabzoñ ne āḳhir kuchh nahīñ kahne diyā
mere hoñToñ kī sadā par saḳht pahrā ho gayā
merī hastī ke 'anāsir mil chuke the ḳhvāb meñ
kyā kashish thī jism-o-jāñ meñ phir maiñ yakjā ho gayā
kitnī thī mash.hūr kal tak aañch us ke husn kī
aaj kyoñ us sho.ala-rū kā jism ThanDā ho gayā
sang-bārī ho rahī thī ā.ina-ḳhāne pe jab
Tuut kar merā bhī chehra reza-reza ho gayā
shaKH se patte gire aur peD nanga ho gaya
dekhte hi dekhte logo main buDha ho gaya
Dubti nabzon ne aaKHir kuchh nahin kahne diya
mere honTon ki sada par saKHt pahra ho gaya
meri hasti ke 'anasir mil chuke the KHwab mein
kya kashish thi jism-o-jaan mein phir main yakja ho gaya
kitni thi mashhur kal tak aanch us ke husn ki
aaj kyon us shoala-ru ka jism ThanDa ho gaya
sang-bari ho rahi thi aaina-KHane pe jab
Tut kar mera bhi chehra reza-reza ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
