shaKHon pe zaKHm hain ki shagufe khile hue

shāḳhoñ pe zaḳhm haiñ ki shagūfe khile hue

ab ke faroġh-e-gul ke ajab silsile hue

ḳhurshīd kā jamāl kise ho sakā nasīb

tāroñ ke Dūbte hī ravāñ qāfile hue

apnā hī dhyān aur kahīñ thā nazar kahīñ

varna the raah meñ gul-o-ġhunche khile hue

tum mutma.in raho ki na dekheñ na kuchh kaheñ

āñkhoñ ke saath saath haiñ lab bhī sile hue

maanā kisī kā dard ġham-e-zindagī nahīñ

phir bhī kisī ke dard se kyā kyā gile hue

jo saañs aa ke mas hue vo manzileñ nahīñ

lamhe jo ham pe biit ga.e fāsle hue

'aḳhtar' mujhe ye Dar hai ki dāman na jal uThe

paatā huuñ āñsuoñ meñ sharāre mile hue

shaKHon pe zaKHm hain ki shagufe khile hue

ab ke farogh-e-gul ke ajab silsile hue

KHurshid ka jamal kise ho saka nasib

taron ke Dubte hi rawan qafile hue

apna hi dhyan aur kahin tha nazar kahin

warna the rah mein gul-o-ghunche khile hue

tum mutmain raho ki na dekhen na kuchh kahen

aankhon ke sath sath hain lab bhi sile hue

mana kisi ka dard gham-e-zindagi nahin

phir bhi kisi ke dard se kya kya gile hue

jo sans aa ke mas hue wo manzilen nahin

lamhe jo hum pe bit gae fasle hue

'aKHtar' mujhe ye Dar hai ki daman na jal uThe

pata hun aansuon mein sharare mile hue