shaKHon se lipaTta hua azhdar nahin dekha

shāḳhoñ se lipaTtā huā azhdar nahīñ dekhā

phūloñ ne sar-e-kūcha-e-sarsar nahīñ dekhā

baḌhte hī ga.e rāh-e-shahādat ke falak par

ghar chhoḌne vāloñ ne mukarrar nahīñ dekhā

dariyā ne ka.ī baar kināre se sadā dī

jaate hue pyāse ne palaT kar nahīñ dekhā

dekhī to faqat tābish-e-asrār-e-mashiyyat

sajde ke tamannā.ī ne ḳhanjar nahīñ dekhā

ik gul ne tabassum se jalā dī saf-e-a.adā

hulqūm pe chaltā huā ḳhanjar nahīñ dekhā

ḳhemoñ meñ sisaktī huī namnāk havā ne

bīmār kā jaltā huā bistar nahīñ dekhā

shaKHon se lipaTta hua azhdar nahin dekha

phulon ne sar-e-kucha-e-sarsar nahin dekha

baDhte hi gae rah-e-shahadat ke falak par

ghar chhoDne walon ne mukarrar nahin dekha

dariya ne kai bar kinare se sada di

jate hue pyase ne palaT kar nahin dekha

dekhi to faqat tabish-e-asrar-e-mashiyyat

sajde ke tamannai ne KHanjar nahin dekha

ek gul ne tabassum se jala di saf-e-ada

hulqum pe chalta hua KHanjar nahin dekha

KHemon mein sisakti hui namnak hawa ne

bimar ka jalta hua bistar nahin dekha