sham ajib sham thi jis mein koi ufaq na tha
shaam ajiib shaam thī jis meñ koī ufaq na thā
phuul bhī kaise phuul the jin ko suḳhan kā haq na thā
yaar ajiib yaar thā jis ke hazār naam the
shahr ajiib shahr thā jis meñ koī tabaq na thā
haath meñ sab ke jild thī jis ke ajiib rañg the
jis pe ajiib naam the aur koī varaq na thā
jaise adam se aa.e hoñ log ajiib tarah ke
jin kā lahū safed thā jin kā kaleja shaq na thā
jin ke ajiib taur the jin meñ koī kiran na thī
jin ke ajiib dars the jin meñ koī sabaq na thā
log kaTe hue idhar log paḌe hue udhar
jin ko koī alam na thā jin ko koī qalaq na thā
jin kā jigar siyā huā jin kā lahū bujhā huā
jin kā rafū kiyā huā chehra bahut adaq na thā
kaisā tilismī shahr thā jis ke tufail raat bhī
mere lahū meñ gard thī ā.īna-e-shafaq na thā
sham ajib sham thi jis mein koi ufaq na tha
phul bhi kaise phul the jin ko suKHan ka haq na tha
yar ajib yar tha jis ke hazar nam the
shahr ajib shahr tha jis mein koi tabaq na tha
hath mein sab ke jild thi jis ke ajib rang the
jis pe ajib nam the aur koi waraq na tha
jaise adam se aae hon log ajib tarah ke
jin ka lahu safed tha jin ka kaleja shaq na tha
jin ke ajib taur the jin mein koi kiran na thi
jin ke ajib dars the jin mein koi sabaq na tha
log kaTe hue idhar log paDe hue udhar
jin ko koi alam na tha jin ko koi qalaq na tha
jin ka jigar siya hua jin ka lahu bujha hua
jin ka rafu kiya hua chehra bahut adaq na tha
kaisa tilismi shahr tha jis ke tufail raat bhi
mere lahu mein gard thi aaina-e-shafaq na tha
- Book : chhaar khvaab (Pg. 65)
- Author : qamar jameel
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
