sham Dhale us bazm-e-tarab mein mera jaana KHub hua

shaam Dhale us bazm-e-tarab meñ merā jaanā ḳhuub huā

mujh ko achānak sāmne pā kar vo kitnā mahjūb huā

dasht-e-sitam meñ kitnī salībeñ istāda thiiñ chār-taraf

shaah ke haath pe bai.at kar lī koī na yaañ maslūb huā

rusvā.ī ke saa.e hamesha pīchhā karte rahte haiñ

mujh se gurezāñ ho kar bhī vo mujh se hī mansūb huā

kūcha-e-yār meñ jaanā ho to tark-e-anā hai pahlā qadam

ishq kisī se kyā kartā vo jo apnā mahbūb huā

ujḌī jab se mahfil-e-yārāñ taur badal ga.e jiine ke

zaḳhm mirā pairāhan Thahrā dard mirā uslūb huā

ahd-e-nau kī ījādoñ se lazzat-e-nāma-barī bhī ga.ī

shīshe par kuchh harf likhe haiñ ye kaisā maktūb huā

apne aib pe chashm-e-zamāna mushkil hī se jaatī hai

be-chehra the dekhne vaale ā.īna ma.atūb huā

rah ga.e kuchh yādoñ ke saa.e kuchh lafzoñ kī raushaniyāñ

āḳhir merī umr kā sūraj Dhalte Dhalte ġhurūb huā

sham Dhale us bazm-e-tarab mein mera jaana KHub hua

mujh ko achanak samne pa kar wo kitna mahjub hua

dasht-e-sitam mein kitni saliben istada thin chaar-taraf

shah ke hath pe baiat kar li koi na yan maslub hua

ruswai ke sae hamesha pichha karte rahte hain

mujh se gurezan ho kar bhi wo mujh se hi mansub hua

kucha-e-yar mein jaana ho to tark-e-ana hai pahla qadam

ishq kisi se kya karta wo jo apna mahbub hua

ujDi jab se mahfil-e-yaran taur badal gae jine ke

zaKHm mera pairahan Thahra dard mera uslub hua

ahd-e-nau ki ijadon se lazzat-e-nama-bari bhi gai

shishe par kuchh harf likhe hain ye kaisa maktub hua

apne aib pe chashm-e-zamana mushkil hi se jati hai

be-chehra the dekhne wale aaina matub hua

rah gae kuchh yaadon ke sae kuchh lafzon ki raushaniyan

aaKHir meri umr ka suraj Dhalte Dhalte ghurub hua