sham-e-dilkash ka rangin saman hai

shām-e-dilkash kā rangīñ samāñ hai

aise meñ kyā ḳhabar tū kahāñ hai

apne dil ko javāñ-sāl rakkho

dil javāñ hai to sab kuchh javāñ hai

jaam chhalkā diyā kyā shafaq ne

charḳh par mai-kade kā gumāñ hai

kab se khoTī huī us kī manzil

kaun se moḌ par kārvāñ hai

jazba-e-dostī ko sadā do

dost se dost phir bad-gumāñ hai

miT ga.iiñ jabki aqdār-e-insāñ

kaun insān kā pāsbāñ hai

ho gayā kyā bahāroñ ko yaaro

har taraf ab ḳhizāñ hī ḳhizāñ hai

chhin na jaa.e matā.a-e-mohabbat

phir siyāsat kā fitna javāñ hai

apnī rūdād-e-ulfat kaheñ kyā

jo haqīqat thī ab dāstāñ hai

jo ġhazal hī kā hai sirf hissa

nazm meñ vo balāġhat kahāñ hai

shā.erī to bahar-hāl yaaro

zāt-o-māhaul kī tarjumāñ hai

kāmyāb is meñ hote haiñ kam hī

zindagī ik kaḌā imtihāñ hai

kyā chaman hai ye 'maġhmūm' jis meñ

ātish-e-gul ke badle dhuāñ hai

sham-e-dilkash ka rangin saman hai

aise mein kya KHabar tu kahan hai

apne dil ko jawan-sal rakkho

dil jawan hai to sab kuchh jawan hai

jam chhalka diya kya shafaq ne

charKH par mai-kade ka guman hai

kab se khoTi hui us ki manzil

kaun se moD par karwan hai

jazba-e-dosti ko sada do

dost se dost phir bad-guman hai

miT gain jabki aqdar-e-insan

kaun insan ka pasban hai

ho gaya kya bahaaron ko yaro

har taraf ab KHizan hi KHizan hai

chhin na jae mataa-e-mohabbat

phir siyasat ka fitna jawan hai

apni rudad-e-ulfat kahen kya

jo haqiqat thi ab dastan hai

jo ghazal hi ka hai sirf hissa

nazm mein wo balaghat kahan hai

shaeri to bahar-haal yaro

zat-o-mahaul ki tarjuman hai

kaamyab is mein hote hain kam hi

zindagi ek kaDa imtihan hai

kya chaman hai ye 'maghmum' jis mein

aatish-e-gul ke badle dhuan hai