sham-e-gham ki hai ata subh-e-masarrat di hai

shām-e-ġham kī hai atā sub.h-e-masarrat dī hai

zindagī ne hameñ ehsās kī daulat dī hai

kaise kaise tire ehsās kī chaTTānoñ ko

maiñ ne lafzoñ meñ tarāshā hai to sūrat dī hai

merī muTThī meñ hai har ḳhvāb kī ta.abīr magar

tū ne ai vahshat-e-dil kab mujhe mohlat dī hai

apne īsār tah-e-lafz-o-bayāñ rakkhe haiñ

tere ikrām ko sau tarah se shohrat dī hai

tum ne be-dām ḳharīde haiñ ḳhushī ke sāmāñ

ham ne har ek ḳhushī kī baḌī qīmat dī hai

kitne mauhūm ishāroñ se phir aane kī mujhe

DabDabā.ī huī in āñkhoñ ne dāvat dī hai

sham-e-gham ki hai ata subh-e-masarrat di hai

zindagi ne hamein ehsas ki daulat di hai

kaise kaise tere ehsas ki chaTTanon ko

main ne lafzon mein tarasha hai to surat di hai

meri muTThi mein hai har KHwab ki tabir magar

tu ne ai wahshat-e-dil kab mujhe mohlat di hai

apne isar tah-e-lafz-o-bayan rakkhe hain

tere ikram ko sau tarah se shohrat di hai

tum ne be-dam KHaride hain KHushi ke saman

hum ne har ek KHushi ki baDi qimat di hai

kitne mauhum ishaaron se phir aane ki mujhe

DabDabai hui in aankhon ne dawat di hai