sham-e-gham subh-e-masarrat ki KHabar hone tak

shām-e-ġham sub.h-e-masarrat kī ḳhabar hone tak

jaane kyā dil pe guzar jaa.e sahar hone tak

josh-e-vahshat hī sahī naġhma-e-ishrat na sahī

shaġhl kuchh chāhiye taskīn-e-jigar hone tak

jazba-e-ishq rahīn-e-nigah-e-shauq na ho

dil pe pābandī-e-ādāb-e-nazar hone tak

ham hī jāneñ haiñ use aur koī kyā jaane

shaam se guzre hai jo dil pe sahar hone tak

kitne hī zaḳhm na.e dil meñ ubhar ā.eñge

mundamil zauq-e-nazar zaḳhm-e-jigar hone tak

sub.h-dam aane kā va.ada to kiyā hai us ne

dil kā kyā haal bane nūr-e-sahar hone tak

sham-e-gham subh-e-masarrat ki KHabar hone tak

jaane kya dil pe guzar jae sahar hone tak

josh-e-wahshat hi sahi naghma-e-ishrat na sahi

shaghl kuchh chahiye taskin-e-jigar hone tak

jazba-e-ishq rahin-e-nigah-e-shauq na ho

dil pe pabandi-e-adab-e-nazar hone tak

hum hi jaanen hain use aur koi kya jaane

sham se guzre hai jo dil pe sahar hone tak

kitne hi zaKHm nae dil mein ubhar aaenge

mundamil zauq-e-nazar zaKHm-e-jigar hone tak

subh-dam aane ka wada to kiya hai us ne

dil ka kya haal bane nur-e-sahar hone tak