sham-e-wada hai agar ab bhi na wo aae to phir

shām-e-va.ada hai agar ab bhī na vo aa.e to phir

aur is ġham meñ jo dhaḌkan dil kī ruk jaa.e to phir

jis se tum dāman-kashāñ ho zindagī kī raah meñ

ruuh kī gahrā.iyoñ meñ vo utar jaa.e to phir

tujh ko hai jis kī vafāoñ par nihāyat e'timād

reza reza kar ke vo tujh ko bikhar jaa.e to phir

amn kā parcham liye phirte ho saare shahr meñ

aur nañg-e-ādmi.yat tum hī kahlā.e to phir

lakḌiyoñ ke ghar meñ miTTī kā diyā achchhā nahīñ

raushnī ke badle is meñ aag lag jaa.e to phir

sham-e-wada hai agar ab bhi na wo aae to phir

aur is gham mein jo dhaDkan dil ki ruk jae to phir

jis se tum daman-kashan ho zindagi ki rah mein

ruh ki gahraiyon mein wo utar jae to phir

tujh ko hai jis ki wafaon par nihayat e'timad

reza reza kar ke wo tujh ko bikhar jae to phir

amn ka parcham liye phirte ho sare shahr mein

aur nang-e-admiyat tum hi kahlae to phir

lakDiyon ke ghar mein miTTi ka diya achchha nahin

raushni ke badle is mein aag lag jae to phir