sham hote hi charaghon ko jalane wale

shaam hote hī charāġhoñ ko jalāne vaale

lauT ke aate nahīñ chhoḌ ke jaane vaale

tū mirī aañkh ko bhāyā hai mire dil ko nahīñ

tere atvār to lagte haiñ zamāne vaale

'umr bhar tujh ko mirā ḳhvāb nahīñ aa.egā

vasl kī shaam mirā hijr manāne vaale

ya.anī kuchh roz tujhe chhoḌ ke maiñ bhī ḳhush thā

mujh ko ye baat batāte haiñ batāne vaale

zindagī aaj tujhe chhoḌ diyā hai ham ne

ham nahīñ aaj tire naaz uThāne vaale

tū ne dekhī mire hāthoñ kī mahārat lekin

vo mire paañv mirā chaak ghumāne vaale

shauq-e-nazzāra liye aañkh kidhar jā.egī

husn vaale haiñ tire shahr se jaane vaale

ye bhī mumkin hai havā koī tamāshā kar de

ham tire naam kī sham.eñ haiñ jalāne vaale

sham hote hi charaghon ko jalane wale

lauT ke aate nahin chhoD ke jaane wale

tu meri aankh ko bhaya hai mere dil ko nahin

tere atwar to lagte hain zamane wale

'umr bhar tujh ko mera KHwab nahin aaega

wasl ki sham mera hijr manane wale

yani kuchh roz tujhe chhoD ke main bhi KHush tha

mujh ko ye baat batate hain batane wale

zindagi aaj tujhe chhoD diya hai hum ne

hum nahin aaj tere naz uThane wale

tu ne dekhi mere hathon ki mahaarat lekin

wo mere panw mera chaak ghumane wale

shauq-e-nazzara liye aankh kidhar jaegi

husn wale hain tere shahr se jaane wale

ye bhi mumkin hai hawa koi tamasha kar de

hum tere nam ki shamen hain jalane wale