sham Khaali hai aur sahar Khaali

shaam ḳhālī hai aur sahar ḳhālī

shahr hai yā koī khañDar ḳhālī

saañp qābiz haiñ har ḳhazāne par

aadmī sab haiñ dar-ba-dar ḳhālī

aa.iye ḳhair ham talāsh kareñ

phailtā jā rahā hai shar ḳhālī

ro.ab mafqūd hai sadāoñ meñ

shān-e-dastār se hai sar ḳhālī

ai asīr-e-qunūtiyat shā.ir

apnā naqd-o-nazar se bhar ḳhālī

ibrat-āmoz hai girāñ-ḳhvābī

abhī katre ga.e haiñ par ḳhālī

hashr uThegā anqarīb yahāñ

hai bas ik aañch kī kasar ḳhālī

bas koī mo'atabar masīhā ho

dil meñ baiThā huā hai Dar ḳhālī

ham uḌāte haiñ fāḳhta din bhar

sher kahte haiñ raat bhar ḳhālī

meñDkī ko zukām ho gayā hai

garche fitna hai us kī Tar ḳhālī

qabr meñ kuchh sukūn thā pahle

haal kahtā hai ye bhī kar ḳhālī

ham na behosh hoñ to kahiyegā

dekh leñ aap ik nazar ḳhālī

phir laq-o-daq hai 'sarfarāz' kā dil

misl-e-sahrā-e-be-zarar ḳhālī

sham KHali hai aur sahar KHali

shahr hai ya koi khanDar KHali

sanp qabiz hain har KHazane par

aadmi sab hain dar-ba-dar KHali

aaiye KHair hum talash karen

phailta ja raha hai shar KHali

roab mafqud hai sadaon mein

shan-e-dastar se hai sar KHali

ai asir-e-qunutiyat shair

apna naqd-o-nazar se bhar KHali

ibrat-amoz hai giran-KHwabi

abhi katre gae hain par KHali

hashr uThega anqarib yahan

hai bas ek aanch ki kasar KHali

bas koi mo'atabar masiha ho

dil mein baiTha hua hai Dar KHali

hum uDate hain faKHta din bhar

sher kahte hain raat bhar KHali

meinDki ko zukaam ho gaya hai

garche fitna hai us ki Tar KHali

qabr mein kuchh sukun tha pahle

haal kahta hai ye bhi kar KHali

hum na behosh hon to kahiyega

dekh len aap ek nazar KHali

phir laq-o-daq hai 'sarfaraaz' ka dil

misl-e-sahra-e-be-zarar KHali