shamil-e-karwan na tha rahguzar tha ajab

shāmil-e-kārvāñ na thā rāhguzār thā ajab

raah meñ bhī ġhubār thā sar pe baar thā ajab

pesh-e-nazar khaḌī rahī manzil-e-justujū magar

haath meñ bhī sakat na thī paañv meñ ḳhaar thā ajab

haar jo dūsroñ ke the saañp kī misl to na the

tum ne mire gale meñ jo Daalā vo haar thā ajab

mere laboñ pe dahr kā shikva jo thā fuzūl thā

chūñki darūn-e-dil mujhe dair se pyaar thā ajab

tūl-e-shab-e-firāq sī donoñ kī umr-e-dostī

'jāmid'-e-zinda-tab-e-rasā us kā bhī yaar thā ajab

shamil-e-karwan na tha rahguzar tha ajab

rah mein bhi ghubar tha sar pe bar tha ajab

pesh-e-nazar khaDi rahi manzil-e-justuju magar

hath mein bhi sakat na thi panw mein KHar tha ajab

haar jo dusron ke the sanp ki misl to na the

tum ne mere gale mein jo Dala wo haar tha ajab

mere labon pe dahr ka shikwa jo tha fuzul tha

chunki darun-e-dil mujhe dair se pyar tha ajab

tul-e-shab-e-firaq si donon ki umr-e-dosti

'jamid'-e-zinda-tab-e-rasa us ka bhi yar tha ajab