shab-e-firaq ko jab muzhda-e-sahar aaya

shab-e-firāq ko jab muzhda-e-sahar aayā

to ik zamāna tirā muntazir nazar aayā

tamām-umr kī sahrā-navardiyoñ ke ba.ad

tirā maqām sar-e-gard-e-rahguzar aayā

ye kaun ābla-pā is taraf se guzrā hai

nuqūsh-e-pā meñ jo phūloñ ke rañg bhar aayā

kise majāl ki nazzāra-e-jamāl kare

is anjuman meñ jo aayā ba-chashm-e-tar aayā

tirī talab ke ghane jañgaloñ meñ aag lagī

mire ḳhayāl meñ jab vahm-e-rahguzar aayā

simaT gayā mirī bāhoñ meñ jab vo paikar-e-rañg

to is kā rañg mujhe duur tak nazar aayā

is ārizoñ meñ ki zid kibriyā kī puurī ho

'nadīm' ḳhaak pe aflāk se utar aayā

shab-e-firaq ko jab muzhda-e-sahar aaya

to ek zamana tera muntazir nazar aaya

tamam-umr ki sahra-nawardiyon ke baad

tera maqam sar-e-gard-e-rahguzar aaya

ye kaun aabla-pa is taraf se guzra hai

nuqush-e-pa mein jo phulon ke rang bhar aaya

kise majal ki nazzara-e-jamal kare

is anjuman mein jo aaya ba-chashm-e-tar aaya

teri talab ke ghane jangalon mein aag lagi

mere KHayal mein jab wahm-e-rahguzar aaya

simaT gaya meri bahon mein jab wo paikar-e-rang

to is ka rang mujhe dur tak nazar aaya

is aarizon mein ki zid kibriya ki puri ho

'nadim' KHak pe aflak se utar aaya