shab-e-tanhai mein jo sinchta tha dard-e-pinhan ko

shab-e-tanhā.ī meñ jo sīñchtā thā dard-e-pinhāñ ko

sajātā hai badan se apne ab gor-e-ġharībāñ ko

rahā dasht-e-junūñ kā hī musāfir maiñ 'adam meñ bhī

uThā jo roz-e-mahshar to phaTā paayā garebāñ ko

sabab rāhat kā hai nā-āgahī us nā-ramīda kī

abhī ummīd-e-istiḳhlās hai jis said-e-nāzāñ ko

sabab jaanā mire yāroñ ne ashkoñ ke bahāne kā

kiyā shādāb abr-e-dīda ne jab kisht-e-vīrāñ ko

tamāshā-gāh-e-hairat ho gayā ā.īna-ḳhāna kal

vo sūrat dekhte the apnī aur ham chashm-e-hairāñ ko

nahīñ bāb-e-ijābat gar khulā to ho gila kyūñkar

rasā honā sikhāyā hī nahīñ jab āh-e-sozāñ ko

na pās-e-vaz' hotā to na rahte muztarib yuuñ ham

sukūñ paayā kiyā jab chaak ham ne phir garebāñ ko

junūñ-angez nazreñ kar rahī haiñ sab ko dīvāna

koī to ho ki samjhā.e nigāh-e-fitna-sāmāñ ko

phaTā jaatā hai dil us vaqt rashk-e-lāla-kārī se

jigar meñ karte haiñ paivast jab vo tīr-e-mizhgāñ ko

gul-e-rusvā.ī phir naḳhl-e-tamannā par khilā hai ik

suno 'sālik' chalā hai phir tavāf-e-kū-e-jānāñ ko

shab-e-tanhai mein jo sinchta tha dard-e-pinhan ko

sajata hai badan se apne ab gor-e-ghariban ko

raha dasht-e-junun ka hi musafir main 'adam mein bhi

uTha jo roz-e-mahshar to phaTa paya gareban ko

sabab rahat ka hai na-agahi us na-ramida ki

abhi ummid-e-istiKHlas hai jis said-e-nazan ko

sabab jaana mere yaron ne ashkon ke bahane ka

kiya shadab abr-e-dida ne jab kisht-e-viran ko

tamasha-gah-e-hairat ho gaya aaina-KHana kal

wo surat dekhte the apni aur hum chashm-e-hairan ko

nahin bab-e-ijabat gar khula to ho gila kyunkar

rasa hona sikhaya hi nahin jab aah-e-sozan ko

na pas-e-waz' hota to na rahte muztarib yun hum

sukun paya kiya jab chaak hum ne phir gareban ko

junun-angez nazren kar rahi hain sab ko diwana

koi to ho ki samjhae nigah-e-fitna-saman ko

phaTa jata hai dil us waqt rashk-e-lala-kari se

jigar mein karte hain paiwast jab wo tir-e-mizhgan ko

gul-e-ruswai phir naKHl-e-tamanna par khila hai ek

suno 'salik' chala hai phir tawaf-e-ku-e-jaanan ko