shab-e-wada hui aaKHir ajal ki aaj ban aai

shab-e-va.ada huī āḳhir ajal kī aaj ban aa.ī

bayāz-e-sub.h le kar saath kāfūr-o-kafan aa.ī

vo jab taqrīr karte haiñ to muñh se phuul jhaḌte haiñ

laboñ par baat kyā aa.ī bahār-e-yāsman aa.ī

ġham o shādī se aalam ik tamāshā-gāh-e-ibrat hai

kisī ghar se gayā murda kisī ghar meñ dul.han aa.ī

zamāna dekh kar mansūr ko bartāv karnā thā

kahī haq baat kyoñ jo naubat-e-dār-o-rasan aa.ī

qafas merā bachā kar rakh havā ke ruḳh se ai gul-chīñ

phaḌak kar jaan de dūñgā agar bu-e-chaman aa.ī

asar hai vāda-e-dīdār kā hangāma-e-mahshar

tumhīñ ko dekhne ye anjuman kī anjuman aa.ī

na chhūTā ba.ad-e-murdan bhī ta'alluq sehr-e-duniyā se

musāfir ko manātī duur tak yād-e-vatan aa.ī

shab-e-wada hui aaKHir ajal ki aaj ban aai

bayaz-e-subh le kar sath kafur-o-kafan aai

wo jab taqrir karte hain to munh se phul jhaDte hain

labon par baat kya aai bahaar-e-yasman aai

gham o shadi se aalam ek tamasha-gah-e-ibrat hai

kisi ghar se gaya murda kisi ghar mein dulhan aai

zamana dekh kar mansur ko bartaw karna tha

kahi haq baat kyon jo naubat-e-dar-o-rasan aai

qafas mera bacha kar rakh hawa ke ruKH se ai gul-chin

phaDak kar jaan de dunga agar bu-e-chaman aai

asar hai wada-e-didar ka hangama-e-mahshar

tumhin ko dekhne ye anjuman ki anjuman aai

na chhuTa baad-e-murdan bhi ta'alluq sehr-e-duniya se

musafir ko manati dur tak yaad-e-watan aai