shab-e-wasl aur lab pe nafrat ki baaten

shab-e-vasl aur lab pe nafrat kī bāteñ

mohabbat se kiije mohabbat kī bāteñ

lahū sīna-e-sang se phuuT nikle

sunā.ūñ jo ai dost ġhurbat kī bāteñ

mirā dil mohabbat se ab bhar chukā hai

na kiije meherbāñ mohabbat kī bāteñ

na hamdam hai koī kisī kā na monis

dikhāve kī hotī haiñ chāhat kī bāteñ

na dushnām diije ye achchhā nahīñ hai

sharīfoñ se kiije sharāfat kī bāteñ

kudūrat har ik dil meñ ghar kar chukī hai

har ik kar rahā hai zarūrat kī bāteñ

abhī tak mujhe yaad haiñ ai 'girāmī'

vo maḳhmūr rāteñ vo ḳhalvat kī bāteñ

shab-e-wasl aur lab pe nafrat ki baaten

mohabbat se kije mohabbat ki baaten

lahu sina-e-sang se phuT nikle

sunaun jo ai dost ghurbat ki baaten

mera dil mohabbat se ab bhar chuka hai

na kije meherban mohabbat ki baaten

na hamdam hai koi kisi ka na monis

dikhawe ki hoti hain chahat ki baaten

na dushnam dije ye achchha nahin hai

sharifon se kije sharafat ki baaten

kudurat har ek dil mein ghar kar chuki hai

har ek kar raha hai zarurat ki baaten

abhi tak mujhe yaad hain ai 'girami'

wo maKHmur raaten wo KHalwat ki baaten