shab-e-visal tulua aaftab kaise hua

shab-e-visāl tulūa āftāb kaise huā

zamīñ pe itnā baḌā inqalāb kaise huā

sitāra mū-e-badan ruḳh gulāb kaise huā

tumhārā jism havas kī kitāb kaise huā

laboñ se kaam burish kā liyā gayā hogā

ki añg añg tirā mehr-tāb kaise huā

zarūr laḌkiyāñ paanī meñ tairtī hoñgī

nahīñ to saarā samundar sharāb kaise huā

kahāñ se aa ga.e ḳhushiyoñ ke bāvre panchhī

ki mujh pe band har ik ġham kā baab kaise huā

ye kis ne chhīn lī bīnā.ī āsmānoñ se

zamīñ ke jism pe nāzil 'azāb kaise huā

kisī ne yaad ke kankar zarūr pheñke haiñ

ḳhamosh jhiil meñ ye iztirāb kaise huā

ise samajhne ko ik 'umr chāhiye jānāñ

'munīr' asl meñ terā ḳharāb kaise huā

shab-e-visal tulua aaftab kaise hua

zamin pe itna baDa inqalab kaise hua

sitara mu-e-badan ruKH gulab kaise hua

tumhaara jism hawas ki kitab kaise hua

labon se kaam burish ka liya gaya hoga

ki ang ang tera mehr-tab kaise hua

zarur laDkiyan pani mein tairti hongi

nahin to sara samundar sharab kaise hua

kahan se aa gae KHushiyon ke bawre panchhi

ki mujh pe band har ek gham ka bab kaise hua

ye kis ne chhin li binai aasmanon se

zamin ke jism pe nazil 'azab kaise hua

kisi ne yaad ke kankar zarur phenke hain

KHamosh jhil mein ye iztirab kaise hua

ise samajhne ko ek 'umr chahiye jaanan

'munir' asl mein tera KHarab kaise hua