shab ka pahra nahin aaKHiri pahr tak

shab kā pahra nahīñ āḳhirī pahr tak

sub.h hone ko hai maut ke shahr tak

Dubkiyāñ mārtā huuñ sarāboñ meñ maiñ

ret ke hauz par dhuup kī mahr tak

shukr karte nahīñ aarzī rañj kā

sabr karte haiñ ham dā.imī qahr tak

ham hī dozaḳh ravāna hue vaqt se

ham jo nā-vaqt se aa ga.e dahr tak

husn se māvarā jism se mā-sivā

tak rahā huuñ use ruuh ke zahr tak

pankh phailā rahī hai ghane habs se

lū havāoñ kī aatī huī lahr tak

khet tak ham use le ke aa.e nahīñ

aur farhād kā kaam thā nahr tak

shab ka pahra nahin aaKHiri pahr tak

subh hone ko hai maut ke shahr tak

Dubkiyan marta hun sarabon mein main

ret ke hauz par dhup ki mahr tak

shukr karte nahin aarzi ranj ka

sabr karte hain hum daimi qahr tak

hum hi dozaKH rawana hue waqt se

hum jo na-waqt se aa gae dahr tak

husn se mawara jism se ma-siwa

tak raha hun use ruh ke zahr tak

pankh phaila rahi hai ghane habs se

lu hawaon ki aati hui lahr tak

khet tak hum use le ke aae nahin

aur farhad ka kaam tha nahr tak