shab-KHun ka KHatra hai abhi jagte rahna
shab-ḳhūn kā ḳhatra hai abhī jāgte rahnā
qātil pas-e-parda hai abhī jāgte rahnā
haiñ qaid tire baḳht ke sūraj kī shuā.eñ
ye sub.h kā dhokā hai abhī jāgte rahnā
laḌnā hai tujhe shab ke añdheroñ se musāfir
sūraj kahāñ niklā hai abhī jāgte rahnā
phir aane lagī niiñd mire ham-safaroñ ko
apnā to irāda hai abhī jāgte rahnā
hai manzil-e-ta.amīr meñ ta.abīr kā sūraj
ye ḳhvāb adhūrā hai abhī jāgte rahnā
nīndeñ to ye kahtī haiñ chalo chain se so.eñ
dil siine meñ kahtā hai abhī jāgte rahnā
ye kah ke mujhe 'rāz' vo sone nahīñ detā
har gaam pe ḳhatra hai abhī jāgte rahnā
shab-KHun ka KHatra hai abhi jagte rahna
qatil pas-e-parda hai abhi jagte rahna
hain qaid tere baKHt ke suraj ki shuaen
ye subh ka dhoka hai abhi jagte rahna
laDna hai tujhe shab ke andheron se musafir
suraj kahan nikla hai abhi jagte rahna
phir aane lagi nind mere ham-safaron ko
apna to irada hai abhi jagte rahna
hai manzil-e-tamir mein tabir ka suraj
ye KHwab adhura hai abhi jagte rahna
ninden to ye kahti hain chalo chain se soen
dil sine mein kahta hai abhi jagte rahna
ye kah ke mujhe 'raaz' wo sone nahin deta
har gam pe KHatra hai abhi jagte rahna
- Book : Karwaan-e-Ghazal (Pg. 432)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
