shabnam ki aanch se jo wo sabza hara na tha

shabnam kī aañch se jo vo sabza harā na thā

sau pusht tak bahār kā shajara harā na thā

sūkhī havā udhār ke paanī pe bik ga.ī

ya.anī ki merī chashm kā kunba harā na thā

lapke the shāḳh-e-sabz pe sau sau ḳhizāñ ke rang

sunte haiñ nau-bahār kā nuqta harā na thā

tā۔bīr aañkh Daal ke kab tak ulārtī

nau-ḳhvāba-e-nashāt kā naqsha harā na thā

rishtoñ kī āb-yār thī āñkhoñ meñ garm-tāz

phir bhī sarā-e-lutf kā dariyā harā na thā

pyāsī dalīl shor tamavvuj ko oḌh kar

tishna rahī ki abr kā da.avā harā na thā

dil ḳhūn-e-chehragī kā tamannā.ī ho na kyoñ

patthar-numā.iyoñ meñ vo bushra harā na thā

majnūñ ko sāzgār thā 'dā.em' pa-e-ḳhirām

kahne ko be-giyāh thā sahrā harā na thā

shabnam ki aanch se jo wo sabza hara na tha

sau pusht tak bahaar ka shajara hara na tha

sukhi hawa udhaar ke pani pe bik gai

yani ki meri chashm ka kunba hara na tha

lapke the shaKH-e-sabz pe sau sau KHizan ke rang

sunte hain nau-bahaar ka nuqta hara na tha

ta۔bir aankh Dal ke kab tak ularti

nau-KHwaba-e-nashat ka naqsha hara na tha

rishton ki aab-yar thi aankhon mein garm-taz

phir bhi sara-e-lutf ka dariya hara na tha

pyasi dalil shor tamawwuj ko oDh kar

tishna rahi ki abr ka dawa hara na tha

dil KHun-e-chehragi ka tamannai ho na kyon

patthar-numaiyon mein wo bushra hara na tha

majnun ko sazgar tha 'daem' pa-e-KHiram

kahne ko be-giyah tha sahra hara na tha