shafaq-e-shab se ubharta hua suraj sochen
shafaq-e-shab se ubhartā huā sūraj socheñ
barf kī tah se koī chashma ubaltā dekheñ
raushnī dhuup havā mil ke kiyā sab ne niDhāl
ab tamannā hai kisī andhe kueñ meñ bhaTkeñ
jalte-bujhte hue is shahr pe kyā kuchh likkhā
aaj sab likkhā huā aañkh pe lā kar rakh deñ
jaane kyuuñ Dūbtā rahtā huuñ maiñ apne andar
jaane kyuuñ sūjhtī rahtī haiñ ye ulTī bāteñ
chhīn leñ apnī muravvat kā ye ziina gar ham
aaj 'muztar' use ākāsh se girtā dekheñ
shafaq-e-shab se ubharta hua suraj sochen
barf ki tah se koi chashma ubalta dekhen
raushni dhup hawa mil ke kiya sab ne niDhaal
ab tamanna hai kisi andhe kuen mein bhaTken
jalte-bujhte hue is shahr pe kya kuchh likkha
aaj sab likkha hua aankh pe la kar rakh den
jaane kyun Dubta rahta hun main apne andar
jaane kyun sujhti rahti hain ye ulTi baaten
chhin len apni murawwat ka ye zina gar hum
aaj 'muztar' use aakash se girta dekhen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
