shafaq phulte hi teri yaad aai

shafaq phūlte hī tirī yaad aa.ī

ghane jangaloñ meñ havā sansanā.ī

na.e lams ke zā.iqe the munavvar

shabīh-e-azal is tarah jhilmilā.ī

har ik zarra āñkhoñ ko milne lagā hai

mire dasht meñ kis kī āvāz aa.ī

'alam 'ishq kā sar-nigūñ ho rahā thā

badan meñ na.ī karbalā sarsarā.ī

daraḳhtoñ ne chiḌiyoñ se kyā baat kah dī

chahakne lagī ḳhvāhish-e-be-navā.ī

ḳhudā jaane kyā hukm pesh-e-nazar thā

ki mardāna lahja huā hai nisā.ī

mirā raag hai sair-e-shahr-e-tamannā

mirā naġhma-e-jāñ hai kūcha-sarā.ī

shafaq phulte hi teri yaad aai

ghane jangalon mein hawa sansanai

nae lams ke zaiqe the munawwar

shabih-e-azal is tarah jhilmilai

har ek zarra aankhon ko milne laga hai

mere dasht mein kis ki aawaz aai

'alam 'ishq ka sar-nigun ho raha tha

badan mein nai karbala sarsarai

daraKHton ne chiDiyon se kya baat kah di

chahakne lagi KHwahish-e-be-nawai

KHuda jaane kya hukm pesh-e-nazar tha

ki mardana lahja hua hai nisai

mera rag hai sair-e-shahr-e-tamanna

mera naghma-e-jaan hai kucha-sarai