shagufta apna dil-e-dagh-dar rahta hai

shagufta apnā dil-e-dāġh-dār rahtā hai

yahāñ ḳhizāñ meñ bhī lutf-e-bahār rahtā hai

tasavvur-e-ruḳh-o-gesū-e-yār rahtā hai

yahāñ ḳhayāl ye lail-o-nahār rahtā hai

tumhārī teġh-e-nigah tez kyoñ hai āshiq par

ye said aap hī har-dam shikār rahtā hai

siyāh-poshī-e-pīr-e-falak hai rāz-e-ajīb

ġham us ko kis kā hai kyoñ sogvār rahtā hai

kiyā hai āñkhoñ meñ jis din se laḳht-e-dil ne maqām

hamāre pesh-e-nazar lāla-zār rahtā hai

ḳhudā bachātā hai bas varna āshiq-e-mahjūr

ajal se aaTh pahar ham-kanār rahtā hai

jise ki gardish-e-gardūñ ne piis Daalā ho

zamīñ se kab use ḳhauf-e-fishār rahtā hai

gunāhgār huuñ 'tālib' isī sabab har-dam

ḳhayāl-e-āmad-e-roz-e-shumār rahtā hai

shagufta apna dil-e-dagh-dar rahta hai

yahan KHizan mein bhi lutf-e-bahaar rahta hai

tasawwur-e-ruKH-o-gesu-e-yar rahta hai

yahan KHayal ye lail-o-nahaar rahta hai

tumhaari tegh-e-nigah tez kyon hai aashiq par

ye said aap hi har-dam shikar rahta hai

siyah-poshi-e-pir-e-falak hai raaz-e-ajib

gham us ko kis ka hai kyon sogwar rahta hai

kiya hai aankhon mein jis din se laKHt-e-dil ne maqam

hamare pesh-e-nazar lala-zar rahta hai

KHuda bachata hai bas warna aashiq-e-mahjur

ajal se aaTh pahar ham-kanar rahta hai

jise ki gardish-e-gardun ne pis Dala ho

zamin se kab use KHauf-e-fishaar rahta hai

gunahgar hun 'talib' isi sabab har-dam

KHayal-e-amad-e-roz-e-shumar rahta hai