shagufta kar ke mujhe kya guzar gai hai saba

shagufta kar ke mujhe kyā guzar ga.ī hai sabā

mire vajūd ko taqsīm kar ga.ī hai sabā

jagā.e ḳhushbū ke dil meñ hazār-hā fitne

tapish se mehr-e-munavvar kī Dar ga.ī hai sabā

guloñ ko bahr-e-shabistāñ se gar nikālā bhī

to din ke dasht meñ ḳhud hī bikhar ga.ī hai sabā

hinā.ī haath meñ le kar ke nūr-o-nik.hat-o-rang

navāh-e-jāñ meñ hamāre utar ga.ī hai sabā

tilism ek hai milne meñ aur bichhaḌne meñ

zarā sā chhū ke mujhe phir mukar ga.ī hai sabā

misāl-e-mauja-e-ḳhusbū maiñ us ke shahr utrā

tah-e-hijāb sahī par sañvar ga.ī hai sabā

shagufta kar ke mujhe kya guzar gai hai saba

mere wajud ko taqsim kar gai hai saba

jagae KHushbu ke dil mein hazar-ha fitne

tapish se mehr-e-munawwar ki Dar gai hai saba

gulon ko bahr-e-shabistan se gar nikala bhi

to din ke dasht mein KHud hi bikhar gai hai saba

hinai hath mein le kar ke nur-o-nikhat-o-rang

nawah-e-jaan mein hamare utar gai hai saba

tilism ek hai milne mein aur bichhaDne mein

zara sa chhu ke mujhe phir mukar gai hai saba

misal-e-mauja-e-KHusbu main us ke shahr utra

tah-e-hijab sahi par sanwar gai hai saba