shahr-adab ki jis ghaDi jagir ban jaenge hum

shahr-adab kī jis ghaḌī jāgīr ban jā.eñge ham

kārvān-e-dil ke phir to 'mīr' ban jā.eñge ham

merī furqat meñ kabhī jo tum ne dekhe the janāb

un hasīñ ḳhvāboñ kī ik ta.abīr ban jā.eñge ham

tabsira jab bhī karegā koī mulk-o-qaum par

to qalam qirtās aur tahrīr ban jā.eñge ham

jaag jā.egā shu.ūr-e-āgahī jab tum meñ to

ḳhitta-e-hastī kī ik tanvīr ban jā.eñge ham

azm le ke dil meñ uTTheñge salāhuddīn sā

aur umr kā nāra-e-takbīr ban jā.eñge ham

jābiroñ ke zulm ko 'sābir' miTāne ke liye

haidar-e-karrār kī shamshīr ban jā.eñge ham

shahr-adab ki jis ghaDi jagir ban jaenge hum

karwan-e-dil ke phir to 'mir' ban jaenge hum

meri furqat mein kabhi jo tum ne dekhe the janab

un hasin KHwabon ki ek tabir ban jaenge hum

tabsira jab bhi karega koi mulk-o-qaum par

to qalam qirtas aur tahrir ban jaenge hum

jag jaega shuur-e-agahi jab tum mein to

KHitta-e-hasti ki ek tanwir ban jaenge hum

azm le ke dil mein uTThenge salahuddin sa

aur umr ka nara-e-takbir ban jaenge hum

jabiron ke zulm ko 'sabir' miTane ke liye

haidar-e-karrar ki shamshir ban jaenge hum