shahr-e-alfaz mein tanha hun mujhe qatl karo

shahr-e-alfāz meñ tanhā huuñ mujhe qatl karo

maiñ ik āvāz-e-shikasta huuñ mujhe qatl karo

kyoñ mujhe dekh ke Dar jaate ho duniyā vaalo

apne hī jism kā saaya huuñ mujhe qatl karo

vahī be-chehragī likkhī hai muqaddar meñ agar

na.ī qadroñ kā maiñ chehra huuñ mujhe qatl karo

jis pe ab tak na paḌā vaqt kā koī bhī nishān

maiñ vo afkār kā shīsha huuñ mujhe qatl karo

kyoñ mujhe bazm-e-tamannā meñ uThā laa.e ho

maiñ na.ī fikr kā lamha huuñ mujhe qatl karo

zabt ke qasr meñ phir aag na lag jaa.e kahīñ

maiñ to jazbāt kā sho.ala huuñ mujhe qatl karo

tum jo tanhā.ī ke jangal meñ bhaTaknā chāho

gum-shuda shahr kā rasta huuñ mujhe qatl karo

shahr-e-alfaz mein tanha hun mujhe qatl karo

main ek aawaz-e-shikasta hun mujhe qatl karo

kyon mujhe dekh ke Dar jate ho duniya walo

apne hi jism ka saya hun mujhe qatl karo

wahi be-chehragi likkhi hai muqaddar mein agar

nai qadron ka main chehra hun mujhe qatl karo

jis pe ab tak na paDa waqt ka koi bhi nishan

main wo afkar ka shisha hun mujhe qatl karo

kyon mujhe bazm-e-tamanna mein uTha lae ho

main nai fikr ka lamha hun mujhe qatl karo

zabt ke qasr mein phir aag na lag jae kahin

main to jazbaat ka shoala hun mujhe qatl karo

tum jo tanhai ke jangal mein bhaTakna chaho

gum-shuda shahr ka rasta hun mujhe qatl karo