shahr-e-suKHan mein aaj akeli chali gai

shahr-e-suḳhan meñ aaj akelī chalī ga.ī

ḳhushbū ke saath saath chañbelī chalī ga.ī

message kā der tak na koī jab milā javāb

mā'lūm ho gayā ki havelī chalī ga.ī

shādī ke vaqt phir se qayāmat bapā huī

ḳhālī phir aaj us kī hathelī chalī ga.ī

phir aaj koī mar gayā phir shor mach gayā

phir aaj hukmarān kī rally chalī ga.ī

phir yuuñ huā ki zabt musībat meñ Dhal gayā

jab vaqt-e-vasl us kī sahelī chalī ga.ī

pahle vo mere saath rahī der tak 'nadīm'

phir hādsātī taur pe khelī chalī ga.ī

shahr-e-suKHan mein aaj akeli chali gai

KHushbu ke sath sath chanbeli chali gai

message ka der tak na koi jab mila jawab

ma'lum ho gaya ki haweli chali gai

shadi ke waqt phir se qayamat bapa hui

KHali phir aaj us ki hatheli chali gai

phir aaj koi mar gaya phir shor mach gaya

phir aaj hukmaran ki rally chali gai

phir yun hua ki zabt musibat mein Dhal gaya

jab waqt-e-wasl us ki saheli chali gai

pahle wo mere sath rahi der tak 'nadim'

phir hadsati taur pe kheli chali gai