shaida mujhe banaya gesu-e-ambarin ka

shaidā mujhe banāyā gesū-e-ambarīñ kā

dil hī mirā huā hai lo saañp āstīñ kā

us ko ḳhayāl aayā phir us but-e-hasīñ kā

allāh hai nigahbāñ mere dil-e-hazīñ kā

go paas vo nahīñ haiñ par dekhtā huuñ har dam

letā huuñ maiñ tasavvur se kaam dūrbīñ kā

hūroñ ke zikr par maiñ aayā nahīñ huuñ vaa.iz

mujh ko ḳhayāl is dam aayā hai ik hasīñ kā

kuchh iztirāb dil kā be-tābi-e-jigar kuchh

us ko sunā diyā yuuñ qissa kahīñ kahīñ kā

tujh ko jo hai mukarnā mahshar meñ mere ḳhuuñ se

qātil chhuḌā le pahle dhabbā tū āstīñ kā

shaida mujhe banaya gesu-e-ambarin ka

dil hi mera hua hai lo sanp aastin ka

us ko KHayal aaya phir us but-e-hasin ka

allah hai nigahban mere dil-e-hazin ka

go pas wo nahin hain par dekhta hun har dam

leta hun main tasawwur se kaam durbin ka

huron ke zikr par main aaya nahin hun waiz

mujh ko KHayal is dam aaya hai ek hasin ka

kuchh iztirab dil ka be-tabi-e-jigar kuchh

us ko suna diya yun qissa kahin kahin ka

tujh ko jo hai mukarna mahshar mein mere KHun se

qatil chhuDa le pahle dhabba tu aastin ka