shajar jalte hain shaKHen jal rahi hain
shajar jalte haiñ shāḳheñ jal rahī haiñ
havā.eñ haiñ ki paiham chal rahī haiñ
talab radd-e-talab donoñ qayāmat
ye āñkheñ umr-bhar jal-thal rahī haiñ
chamaktā chāñd-chehra sāmne thā
umañgeñ bahr thiiñ bekal rahī haiñ
dabe-pāñv mirī tanhā.iyoñ meñ
havā.eñ ḳhvāb ban kar chal rahī haiñ
sahar-dam sohbat-e-rafta kī yādeñ
mire pahlū meñ āñkheñ mal rahī haiñ
tirī yaad aur be-ḳhvābī kī rāteñ
ye palkeñ aañkh par bojhal rahī haiñ
bahut pechīda haiñ chāhat ke andāz
ki ab dil-dāriyāñ bhī khal rahī haiñ
tarāzū haiñ ḳhirad-mandoñ ke dil meñ
vahī bāteñ jo be-aTkal rahī haiñ
'ziyā' un sā.atoñ meñ umr guzrī
khulī āñkhoñ se jo ojhal rahī haiñ
shajar jalte hain shaKHen jal rahi hain
hawaen hain ki paiham chal rahi hain
talab radd-e-talab donon qayamat
ye aankhen umr-bhar jal-thal rahi hain
chamakta chand-chehra samne tha
umangen bahr thin bekal rahi hain
dabe-panw meri tanhaiyon mein
hawaen KHwab ban kar chal rahi hain
sahar-dam sohbat-e-rafta ki yaaden
mere pahlu mein aankhen mal rahi hain
teri yaad aur be-KHwabi ki raaten
ye palken aankh par bojhal rahi hain
bahut pechida hain chahat ke andaz
ki ab dil-dariyan bhi khal rahi hain
taraazu hain KHirad-mandon ke dil mein
wahi baaten jo be-aTkal rahi hain
'ziya' un saaton mein umr guzri
khuli aankhon se jo ojhal rahi hain
- Book : sar-e-shaam se pas-e-harf tak (Pg. 290)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
