shajar ko chhoD chala pat pat ka jadu

shajar ko chhoḌ chalā paat paat kā jaadū

ugāyā ghaat ne Tahnī pe raat kā jaadū

amīr-e-shahr kī dīvār chāTne vaale

sameT le ga.e sadiyoñ kī baat kā jaadū

khulī thī din ko parinde kī tāqat-e-parvāz

badan pe chal gayā jangal kī raat kā jaadū

sajī thī zahr kī pechīdgī sar-e-bāzār

bikā galī meñ sapere ke haat kā jaadū

matā-e-chashm dul.han ghar hī chhoḌ aa.ī thī

nashe meñ jhuum rahā thā barāt kā jaadū

shajar ko chhoD chala pat pat ka jadu

ugaya ghat ne Tahni pe raat ka jadu

amir-e-shahr ki diwar chaTne wale

sameT le gae sadiyon ki baat ka jadu

khuli thi din ko parinde ki taqat-e-parwaz

badan pe chal gaya jangal ki raat ka jadu

saji thi zahr ki pechidgi sar-e-bazar

bika gali mein sapere ke hat ka jadu

mata-e-chashm dulhan ghar hi chhoD aai thi

nashe mein jhum raha tha baraat ka jadu